نكت بايخة كتير وجلطة

*ملاحظة هامة: اللي بيعاني من أي مرض في الدم ما يقرا هي النكت يعني اللي عنده ارتفاع ضغط أو انخفاض أو حتى عنده دم من أصله ما يقرا شي وبلا يشيلني ذنبه لأنو أنا مالي ناقص.... وقد اعذر من انذر....

-في صخرة وقعت من فوق بناية وفي تحت البناية لوح بللور ما انكسر ليش ؟
لأنو ما وقعت عليه

-طيب في جاجة كانت عم تقطع الشارع وفجأة ماتت ليش؟
الصخرة وقعت عليها

- طيب ليش الحمصي بيحط جنبه كاسة الشاي قبل ما ينام ؟
لأنو الشاي منبه

-طيب فهمنا, ليش بيحط كاسة قهوة جنب الشاي ؟
مشان إذا ما رن الشاي

-طيب ليش يحط جنبه كاستين مي وحدة فاضية ووحدة مليانة ؟
لأنو بيصير يشرب وبيصير ما يشرب

-وليش بيحط سكر على الكرسي قبل ما يقعد؟
مشان تصير القعدة حلوة

-شي أبيض طاير في السماء وبيقول مياو –شو هو؟
قطة بيضاء مرفوسة

-طيب شي أسود طاير في السماء وبيقول مياو--شو هو؟
غراب عم يتبايخ

-طيب في شي بني طاير في السماء ومابيقول شي –شو هو ؟
حذاء الرجل اللي رفس القطة

-طب شي أسود طاير في السماء ومابيقول شي---شو هو؟
غراب عاقل وما بيحب البياخة

-شي أزرق طاير في السماء—شو هو؟
دبانة لابسة بنطلون جينز أزرق

-طب شي أسود وفيه خط أحمر وطاير في السماء من الشرق للغرب –شو هو؟
دبانة لابسة فستان سوارية وحاطة حمرة ورايحة ع عرس وحدة رفيقتها

-طب شي أسود وفيه خط أحمر وطاير في السماء من الغرب للشرق -شو هو؟
نفس الدبانة بس كأنو نسيانة شي و رجعت ع البيت مشان تاخدو

- نقطة سوداء على الحيط شو هية؟
دبانة

-نقطتين سوداوين على الحيط شو هنن ؟
فيشة كهربا

-ثلاث نقط سود على الحيط شو هنن؟
فيشة ودبانة

- خمسين نقطة سوداء على الحيط شو بيصيروا؟
ما بيصيرو شي بس يمكن دهان الحيط عم يقّشر

شي ماشي على الارض وبيعمل زززززززززز- شو هو ؟
صرصور راكب بسكليت

طب ناس دخلوا بيت فعرفوا إنو فيها صراصير – هاااهااا شلون عرفوا بقا ؟
شافو البسكليتات مصفوفة جنب السيفون

Razz

لك شو هاد روريه منين جايبتين
الله يسامحك
بس تحلو بوجودك

ورد كتب:: لك شو هاد روريه منين جايبتين
الله يسامحك
بس تحلو بوجودك

جنية انا ورد
من تحت الارض بطلعن
الاحلى مرورك
على صفحتي