فلان مستحمر فلان...
وهذا يعني معتبروا حمار وما بيفهم
حابين نحكي شوي عن هالشغلة
فتفضلوا يا حبايبي يا حلوين وتعرفوا معي على هذا الفن العجبة
فن الاستحمار
أحد الفنون المستخدمة بشكل كبير في أيامنا الحاضرة
وهو من الفنون التي لا تحتاج إلى مهارات خاصة سوى مهارة الغباء
وفي ما يلي بعض الأمثلة عن حالات الاستحمار :
واحد ما بيطيقك و بيحكي عليك وين ما راح ولما بشوفك بيبتسملك وبيقلك.... اشتقنالك ولو وين هالغيبة ( مستحمرك)
صبية
كوول كتير ماعطة خلقتا ولابسة كتير كلاس و عم تتفتل بنص شارع ا لأمين
رايحة راجعة ... بس كتير متدايقة من تطليعات الشباب ( يعلا عيونون هالشباب
شو قليلين حيا ) .... ( هي مستحمرة حالها )
رئيس أميركي أول حرف من اسمو جورج بوش عم ينشر الديموقراطية ( مين مستحمر هاد )
ممثلة ( مطربة ) عاملة فيلم ( كليب ) إباحي إلا شوي.. ولما بتسئلها عن البلاوي الزرقا يلي بالفيلم ( بالكليب ) بتقلك ضرورة درامية
( مستحمرة الفن والفنانين )
. تعددت الاسباب والاستحمار واحد...
واحد
انت اكبر قدر بهيم...ما بيفهم الخمسة والطمسة...بيجي بيقلك اناعملت..وانا
ساويت...ورحت واجيت....وبيعملك حالو ابو العريف...رجال
بنطلون يعني...بس وين بتكون المشكلة...المشكلة انو هو مصدق نفسو.
.
(اي هادا بلا مؤاخذة عم يستحمر حالو..)
.............................
وحدة
بتجي احلى من القرد بشوي....بتقلك...فلان لطشني...وفلان ميت على كلمة مني
وميت بدباديبي...وفلان الفلاني ابن فلان العلتاني هلكني وهو واقف تحت بيتي
وعلى تشفيط بالسيارةالبي ام دبليو...(مسكينة احمرت وجنتيها وهي عم
تحكي...احمر من هيك ما عادصفيان)
.
الأحد أكتوبر 18, 2009 11:40 pm
