ول ما جهجه الضو ، اجا بكري
ليشطف البيت ، منشان البق ، سكّر باب الصئاء ، شلح الشحاطة منشان ما يجقجق
، و جرجر الكراسي و أصيص الزريعة ، تكتك شلون بدو يشطف ، بحبش شوي ، دندل
الزنبيل و شقل المي من الجب ، سخنا عالنار لبقبقت و بربقت ، و كتا بالحوش
الجواني بالطاسة لانو ما عندن قسطل و صهريج و خرطوم ، و دعك الارض عسوا من
الزفر لانو دبقة ، فك الكمر ليترحرح و شلح الشلحة ، منشان ما تتشحور ، و
شلفا وراه ، و فشّخ فوق المي ، و دقّر شوي ، و بعدين نط ، تفشكل بكومة دف
، و انطبش جواتا، طبشة قاتولية ، و انجرحت ايدو واوا ، حشّك ، و بعق و
جعّر آخ يا يامو ، يا يامو ، اجت امه و بإيدا الطواية و الشمشاية ، و
قالتلو يي يي ، ليش عبتحركش و تنكّش ، متل البوبو ،كنت تمسوك الدربزون ،
اش معمص عيونك و مفشفش ، بروك عالبرطوش ، و تلقح عالزيق ، و حاج تطرطق و
تفرتّك ، دحتّه دحة ، و جابت لو شقفة شرشوطة و ربطتا ، بعد ما خسلتا بالمي
، و طرشت شبونتا ، و قالتلو قوم تغندر
.
الخميس نوفمبر 05, 2009 11:42 pm
