أسئلـــة ثقيلـــــــــــــــة

متسطح بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟

لأ !! عم ارقص.. بس الوضع بيوحي إني نايم



معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟

لا والله لساتنا عالطريق، في عجقة بشارع بغداد



لابس أحلى تيابك ومتعطّر وشايل مفاتيح السيارة وجزدانك وطالع لبرا البيت، بيجي

حدا من أهلك بيسألك، شو رايحلك شي مشوار !!؟؟

لا والله طالع عالأسطوح صلّح صحن الديش



حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجه علائم الإستغراب والدهشة: بدك تحكي بالتلفون؟

لأ شو إحكي !!! بس كنت عم جرب
صوت طنة الأرقام



حاطت راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة


مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب

لا والله بالعادة بفكر العب دء تريكس ومابروح لعندهم



نفس المذيعة بتشوف ولد بالشارع وبتساله؟ حبيبي بتحب البابا والماما؟

لا مابحبهم , بحب البوسنة والهرسك



واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟

لأ حبيبي بس هيئتك بدك تعمى



بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة بيقلك: واحد ؟

لأ 60 !!!!!!!!!!!!!!!!!؟ ورجعلي
الباقي


أشّر بأصبعته الكريمة لتكسي، وفعلاً وقفلو العينتين، بيسأله: فاضي؟

لأ ... عندي 10 طلبيات، بس وقفت غلاظة !!



بدك تنزل من الميكرو: عاليمين زكاتك.... بتتلقى الرد: نازل ؟؟

لا والله بس عم جرب صوتي....**